Environment
Naga, kakalbohon kan DPWH: 651 kakahoyan pupurotolon
Bicol Mail
Maabot sa 651 nin kakahoyan na nag-eedad na nin cuarenta hasta sesenta años sa mag-ibong na gilid kan national highway poon sa rotunda sa Concepcion Pequeña, Concepcion Grande hasta Del Rosario asin Brgy. Mabulo, Ciudad nin Naga an pupurotolon sana kan DPWH oras na magsikad na an patrabajo sa pagpahiwas kan tinampo na gigibohon nang apat na agihan.
Sa ginibong inventario kan oficina ni ENRO Oscar Orozco kan City Hall an sinambit na bilang nin manga gurang nang nagtataong prescong kakahoyan an maabot sa 395 kaini hali sa kalabaan kan highway poon sa rotunda sa Concepcion Pequeña, Grande asin Del Rosario na makakabali pa si pasiring sa kalabaan kan highway sa barangay Mabulo na igwa nin maabot sa 256 asin nagtotal na nin 651 na nakakahinayang na purotolon.
Nagproponer si Alcalde John Bongat huli ta haros apat nang agihan o four lane na an kamugtakan kan presenting tinampo kan daang maharlika sa tolong mga barangay kan ciudad pasiring sa linderos kan Pili, Camarines Sur, dai na purutolon an kakahoyan envez gibohon na sanang bicycle asin jogging lane.
Alagad sa ginibong consultacion sa miting kan City Development Council na presente an manga taga DPWH, DENR, oficiales local kan City Hall asin iba pang sectores pigpaboran kan mayoria sa mga nag-atendir an plano kan obras publica kaipuhan purutolon an manga kakahoyan.
Poon sa mag-ibong na gilid kan Concepcion Pequeña, Grande asin Del Rosario igwang puputolon na 192 mga kahoy na acacia, 91 narra, 33 na mangga, 19 talisay asin 16 na mahogany. Pigpangako kan DPWH na sa sarong puputolon na kahoy riribayan man ninda nin 50ng itatanum na acacia, narra asin iba pang kahoy.
Si Penro Atty. Arnel Rodriguez kan DENR Camarines Sur na presente sa CDC meeting nagsabi na ma-isyu sinda nin permit sa pagpurotol kan mga kahoy huli ta mayo man digdi nin binabalga nin ley an DPWH para sa pag-implementar kan proyecto.
Sa lado ni Punong Barangay Elmer Baldemoro kan Concepcion Grande, saiyang pigrerecomendar na envez kan road widening sa dati nang mahiwas na highway dapat gamiton an fondo para sa pagpahiwas kan pigcoconstruir na Almeda Highway
An DPWH nag-inventario na sa manga estructura na hahagopon oras na iimplementar na an road widening nganing bayadan an maaafectaran na mga edificio.
Ipinahayag na cantidad P100 milyones an inicial na fondo gikan sa gobierno nacional mientras na mahalat pa nin panibagong prosupuesto an DPWH.
City observes earth day
By Gerald O. Enguero
Bicol Mail
NAGA CITY — This city gave its full participation to the International Earth Day celebration last April 22 by conducting massive cleaning and monitoring in the protected areas of the Mt. Isarog Natural Park.
Oscar Orozco, head of the City Environment and Natural Resources Office, said that this year’s celebration was participated in by officers and personnel of ENRO, City SPES, City Youth officials, school organizations from the University of Nueva Caceres, Ateneo de Naga University, non-government organizations, and a group of mountaineers.
Orozco said this year’s celebration focused on Eco-Tourism, where they aim to make the city’s various tourist destinations to be more interesting, and accessible to visitors and tourists.
Orozco mentioned during a special session of the SangguniangPanglunsod that the Department of Tourism has allotted P25M for the construction of an access road to be constructed by the DPWH starting from the Girl Scout camp site in Bgy. Panicuason up to the gate leading to the Mt. Isarog Natural Park.
The access road has a distance of 1.159 kilometers, 15 meters wide, which is enough for huge vehicles such as trucks and vans to pass.
Orozco said it has been noted that visitors to the natural park and its related sites such as water falls and trails for trekking have been doubling since the onset of the summer season.
“We recorded more or less 1,500 tourist visitors consisting of foreigners and people outside Naga City within the month of April last year, compared to 3,000 during the first days of the same month this year, Orozco said.
In his final remark, Orozco noted that one of the best contributions that his office gave to the observation of International Earth Day is the tree planting program dubbed as Pilimania, which planted some 30,000 pili seedlings in many areas of the city.
“In five to ten years [after these seedlings have fully grown], there will be lesser chance of flash floods in the city because of these tree-planting programs,” Orozco pointed out.
Pagbabago sa salog Naga
Bicol Mail
An local na gobierno kan Ciudad nin Naga nag-aandam kan pag-implementar sa phase 1 kan Naga River Revitalization Project (NRRP) na maconstruir nin anom na mga pantalaan sa Salog Naga poon sa Barangay Sabang sagcod sa Magsaysay Ave., na an fondo cantidad viente milyones pesos (P20-M) gikan sa premyo kan DILG matapos matawan nin ondra an LGU Naga bilang Seal of Good Housing Keeping.
Bako nin infrastractura na paggibo nin tinampo, ini igwang katuyohan para sa social, economic, environmental asin tourism na pig-asegurar na dai madadanyaran an regular na budget asin iba pang proyecto sa infrastractura kan ciudad, sabi ni Alcalde John G. Bongat
An alcalde nag-atubang sa miembros kan media sa Ciudad nin Naga matapos kan saiyang sarong semanang viaje kaibahan si City Planning Officer Wilfredo Prilles, Jr. sa Switzerland na nag-atendir sa ginibong Global Energy Basel Sustainable Infrastructure Finance Summit.
Pig-osipon kan jefe ejecutivo na an maogmang informacion na an UN Habitat, International Council for Local Environmental Initiative (ICLEI) asin Ford Foundation, an mga institucion na ini nagpaheling nin interes sa Integrated Naga River Revitalization Project.
Sinda nagpahayag nin interes matapos mas na-iiba an saindang pigpresentar na proyecto kun icocompara sa ibang nacion huli ta kita lang naglaog pa nin historico, cultural asin religious perpective. An ibang nacion nagpresentar sana kan mapadapit sa financial na pagnatabangan nagseguro na ibabalik an cuarta kan investor,sabi pa.
An kaibahan pa sa proyecto kan ciudad huli ta magkakaigwa nin oportunidad sa lado nin economia sa Salog Naga huli ta magkakaigwa nin river transport. Katuyohan pa kaini para sa climate change adaptation, magkakaigwa nin water treatment facilities asin magiging nang economic commercial zone.
Piglinaw pa na inaapod na Integrated Naga River Revitalization Project an boot sabihon bako lang siya para sa pagprotehiran kan kapalibotan envez sa disaster risk reduction management initiative.
Sa ginibong pag-aadal kan Cities Development Initiative for Asia (CDIA) an proyecto macantidad nin US$65 million o maabot sa dos bilyones pesos.
Ipinahayag man ni Bise Alcalde Gabby Bordado an NRRP prioridad na proyecto kan local na gobierno sa paagi kan resolucion numerado 2010-216 asin si Alcalde Bongat enot nang nag-isyu nin Executive Order No. 2010-015 na nagbibilog kan NRRP Project Team.
